सोशल मीडियावर अनेक व्हिडीओ व्हायरल होत असतात. हे व्हिडीओ कधी मजेशीर असतात तर कधी धक्कादायक असतात सध्या असाच एक व्हिडीओ व्हायरल होत आहे. ज्यामध्ये दोघेजण हाणामारी करत आहेत.

उत्तरप्रदेशच्या बागपतमध्ये ही घटना घडली आहे. ज्यामध्ये दोन व्यक्तींमध्ये भांडणे झाली आहेत. दुकानदाराने उधारीवर वस्तू न दिल्याने यांच्यात हाणामारी झाली आहे. सोशल मीडियावर हा व्हिडीओ सध्या जोरदार व्हायरल होत आहे.

माहितीनुसार, कपिल नावाचा एक व्यक्ती वस्तू घेण्यासाठी दुकानात आला होता. दरम्यान उधारीवर वस्तू मागितल्याने दुकानदाराने नकार दिला. उधारीवर पैसे देण्यास नकार दिल्याच्या राग व्यक्तीला आला. या दोघांमध्ये शा‍ब्दिक भांडण झाले. यानंतर या व्यक्तीने दुकानदाराला कानाखाली मारली यानंतर या दोघांच्या एखाद्या कुस्तीसारखा डाव रंगला.

दुकानदार हवेत उडी मारून खाली आपटला. ही संपूर्ण घटना दुकानाच्या कॅमेऱ्यात कैद झाली.व्हिडीओमध्ये तुम्ही पाहू शकता की, व्यक्ती प्रचंड रागात दिसत आहे. तर दुकानदार काउंटरवर दिसत आहे. या संपूर्ण घटनेची माहिती पोलिसांना मिळताच ते घटनास्थळी दाखल झाले.