पुण्याला शिक्षणाचं माहेरघर म्हटलं जातं..शिक्षणासाठी, IT तील नोकरीसाठी अनेक जण गावाकडून मुंबईचा रस्ता धरतात. मात्र याचं पुण्यातील प्रेमी युगुलांचे कारनामे अनेकांच्या भुवया उंचावणारे ठरलेत.. याआधीही स्वतःचा जीव धोक्यात घालून इतरांच्याही जीवावर उठलेल्या पुण्यातील स्टंटबाजीचे अनेक व्हिडिओ तुम्ही पाहिले असतीलच.

त्यातच आता पुण्यात दुचाकीवर प्रेमीयुगुलाचा अश्लील चाळे करतानाचा एक व्हिडिओ व्हायरल झालाय. एका दुचाकीवर एक तरुणी थेट पेट्रोल टँक वर उलटी बसली आहे आणि तरुण सुसाट गाडी चालवतोय. हा व्हिडिओ पुण्यातील खेड-शिवापूर परिसरातील शिंदेवाडीतील असल्याचं बोललं जातंय.

आपल्याच मस्तीत चाललेल्या या प्रेमी युगुलांचे रस्त्यावरुन जाणाऱ्या अनेकांनी व्हीडिओ काढले ..मात्र प्रेमात अखंड बुडालेल्या दोघांना मात्र दुनियाची फिकर नव्हती.. त्यांनी ही स्टंटबाजी सुरुच ठेवली... आता हा व्हिडिओ पाहिल्यानंतर याला अश्लील चाळे म्हणायचं का उतू चाललेलं प्रेम! हे तुम्हीच ठरवा.. मात्र प्रेमी युगुलांचा सुरु असणारा हा हुल्ल़डपणा थांबणार का? स्वत: सह इतरांचा जीव धोक्यात घालणाऱ्या या प्रेमी युगुलांवर वाहतूक पोलीस कारवाई करणार का?