सोशल मीडियावर सध्या एका मुलीचा व्हिडिओ मोठ्या प्रमाणावर व्हायरल होताना दिसतोय. यामध्ये असून तिच्या प्रसंगावधानामुळे दोन लहान मुलांचे प्राण वाचल्याचं समोर आलंय. लिफ्टमध्ये अचानक आलेल्या टेक्निकल बिघाडामुळे दोन मुलं आत अडकली होती. मात्र एका मुलीने धाडस आणि शांतता राखत त्यांना सुरक्षित बाहेर काढलंय. या घटनेचा व्हिडिओ लिफ्टमधील सीसीटीव्हीत कैद झाला असून तिचं कौतुक होतंय.

मुलीचा व्हिडीओ सोशल मीडियावर व्हायरल

व्हायरल व्हिडिओमध्ये तुम्ही पाहू शकता की, काही मुलं लिफ्टमध्ये जात असतात. यावेळी दोन मुलं आधीच लिफ्टमध्ये जातात. त्याच वेळी एक मुलीने लिफ्टचे दार पायाने थांबवून ठेवलेलं असतं. अचानक लिफ्टचं दार बंद होऊ लागतं आणि मुलं आतमध्येच अडकतात.

हा व्हिडीओ पाहताना तुमच्याही अंगावर काटा उभा राहिल. दरम्यान ही परिस्थिती गंभीर होत असतानाही ती मुलगी घाबरत नाही. ती तत्काळ प्रसंगावधान दाखवत आपला पाय लिफ्टच्या दरवाज्यात अडकवून ते पूर्णपणे बंद होऊ देत नाही.

टेक्निकल बिघाडामुळे लिफ्टचं दार उघडत नसतानाही मुलगी हार मानत नाही. ती मदतीसाठी इतरांना जोरजोरात ओलरडून. मुलांच्या ओरडण्याचा आवाज ऐकून आजूबाजूचे घटनास्थळी धाव घेतात आणि लिफ्टचं दार पकडून ठेवतात. त्यानंतर मुलगी एकामागून एक दोन्ही मुलांना बाहेर काढते.

लिफ्टच्या कॅमेरात कैद झाली घटना

ही संपूर्ण घटना लिफ्टमधील कॅमेऱ्यात रेकॉर्ड झाली आहे. हा व्हिडिओ सोशल मीडिया प्लॅटफॉर्म एक्सवर @gharkekalesh या अकाउंटवरून शेअर करण्यात आला आहे. या व्हिडिओला सुमारे दोन लाखांहून अधिक व्ह्यूज आणि हजारो लाईक्स मिळालेत. अनेक युजर्सने कमेंट्स करत मुलीच्या धाडसाचं कौतुक केलंय.

(डिस्क्लेमर- हा व्हिडीओ सोशल मीडियावर व्हायरल झाला आहे. या व्हिडीओमध्ये किती तथ्य आहे याची खातरजमा आम्ही करत नाही.)