सोशल मिडिया हे असं माध्यम आहे जेथे तुम्ही केलेलं एक कृत्य लगेच व्हायरल होतं. अनेक व्हिडीओ रिल्सच्या माध्यमातून व्हायरल होत असतात. सध्या सोशल मीडियावर 'शेकी शेकी' हे गाणं धुमाकूळ घालत आहे. या गाण्यातील लिरिक्सच्या तालावर अनेकजण व्हिडीओ बनवत आहेत. अशातच अभिनेत्री ऐश्वर्या नारकर हिला देखील 'शेकी शेकी' गाण्याची भुरळ पडली आहे. सोशल मीडियावर ऐश्वर्याने गाण्यावर डान्स करत व्हिडीओ शेअर केला आहे जो सध्या सर्वांचेच लक्ष वेधून घेत आहे.

अभिनेत्री ऐश्वर्या नारकर तिच्या सौंदर्यामुळेच नाही तर, डान्स आणि हावभाव यामुळे चर्चेत असते. ट्रेन्डिंग गाण्यावरील तिचे रिल्स सोशल मीडियावर व्हायरल होत असतात. आता ऐश्वर्याने 'शेकी शेकी' गाण्यावर ठेका धरला आहे. तुम्ही पाहू शकता, 'एक नंबर, तुझी कंबर चाल शेकी शेकी है...' या गाण्यातील लिरिक्सवर ऐश्वर्याने परफेक्ट अश्या हुकस्टेप्स केल्या आहेत. पांढऱ्या रंगाची साडीवर मॅचिंग निळा ब्लाऊज ऐश्वर्याने परिधान केला आहे.

ऐश्वर्याने सोशल मीडियावर शेअर केलेल्या या व्हिडीओ चाहत्यांनी लाईक्स आणि कमेंट्सचा वर्षाव केला आहे. आतापर्यत या ९० हजारांपेक्षा अधिक व्हिडीओला पाहिले आहे. सोशल मीडियावर सतत काहीतरी हटके आणि आकर्षक स्वरूपातून प्रेक्षकांच्या भेटीला येणाऱ्या ऐश्वर्या नारकर यांना कधी चांगले तर कधी ट्रोल देखील केले जाते असे असतानाही मात्र ऐश्वर्या नारकर तरीही नृत्यावरील त्याचं प्रेम कमी झालेलं दिसत नाही त्या कायमच डान्स व्हिडीओ शेअर करतात.