Parth Pawar Y Plus Security | राज्यामध्ये सध्या लोकसभेच्या निवडणुका सुरू आहेत आणि यातच राज्यातील पोलीस दलामध्ये मनुष्यबळ कमी पडत असताना उपमुख्यमंत्र्यांच्या चिरंजीवावर राज्य सरकार मेहरबान झालंय अशी चर्चा राजकीय वर्तुळात सुरू आहे. पुणे पोलीस आयुक्तांनी निवडणुकीच्या काळात महत्त्वाचा व्यक्तींची सुरक्षा काढली आहे. असं असताना राज्य शासनानेच उपमुख्यमंत्री अजित पवारांच्या चिरंजीवांना वाय प्लस सुरक्षा मिळालीये अशी टीका आता विरोधकांकडून होतीये. पार्थ पवार हे अजित पवारांचे चिरंजीव असून गेल्या लोकसभा निवडणुकीत पवारांनी मावळ लोकसभा मतदारसंघातून लोकसभेची निवडणूक लढवली होती.