मुंबईतील वॉर्ड क्रमांक 96 मधून हालीम शेख यांना उमेदवारी देण्यास बेहराम पाड्यातील ठाकरे गटाच्या महिलांनी तीव्र विरोध दर्शवला आहे. या विरोधाच्या पार्श्वभूमीवर बेहराम पाड्यातील अनेक महिला थेट मातोश्री परिसरात दाखल झाल्या असून त्यांनी आपली नाराजी उघडपणे व्यक्त केली आहे.

बेहराम पाड्यातील महिलांचे म्हणणे आहे की, हालीम शेख यांना वॉर्ड क्रमांक 96 मधून तिकीट देऊ नये. स्थानिक पातळीवर स्वीकारार्ह नसलेला उमेदवार पक्षाने लादू नये, अशी ठाम भूमिका महिलांनी घेतली आहे.

दरम्यान, वॉर्ड क्रमांक 96 साठी अल्माझ झवेरी यांनाच उमेदवारी द्यावी, अशी ठोस मागणी महिलांनी केली आहे. अल्माझ झवेरी या स्थानिक प्रश्नांशी जोडलेल्या असून परिसरातील महिलांचा त्यांना मोठा पाठिंबा असल्याचा दावा आंदोलक महिलांनी केला आहे.