आज राज्यभरात मोठ्या उत्साहात महिला दिन आणि रंगपंचमी साजरी केली जात आहे. या पार्श्वभूमीवर कोल्हापूर शहरासह जिल्ह्यात विविध ठिकाणी महिलांनी एकत्र येत महिला दिन आणि रंगपंचमीचा दुहेरी आनंद साजरा केला. कोल्हापूर शहरातील विविध परिसरात महिलांनी रंगांची उधळण करत एकमेकींना शुभेच्छा दिल्या. यावेळी वेगवेगळ्या गाण्यांच्या तालावर महिलांनी ठेका धरत नृत्य केले आणि आनंदोत्सव साजरा केला. महिलांनी एकत्र येत स्नेह, एकता आणि आनंदाचा संदेश देत रंगपंचमी आणि महिला दिन साजरा केल्याचे चित्र कोल्हापूर शहरात पाहायला मिळाले.