उत्तर प्रदेशात एक अजब प्रकार घडला आहे. एका महिले थेट पोलिस ठाण्यात जावून अजब तक्रार दाखल करुन सर्वांनाच चकित केले आहे. तिच्या म्हणण्यानुसार, तिचे इंस्टाग्रामवर दोन फॉलोअर्स कमी झाले असून, याला जबाबदार तिचा नवरा आहे. कारण तो तिला घरकाम, विशेषतः भांडी घासायला लावतो, त्यामुळे ती वेळेवर रिल्स बनवू शकत नाही. यामुळे तिच्या सोशल मीडिया फॉलोअर्समध्ये घट झाली आहे, असा गंभीर आरोप तिने पोलिसांसमोर केला आहे.

या तक्रारीमुळे पोलिसही काही काळ संभ्रमात पडले होते. अखेरीस त्यांनी तिला समजावून घरी पाठवले आहे. सोशल मीडियाच्या युगात अशा विचित्र तक्रारींमुळे पोलिसांनाही नवनवीन समस्यांना सामोरे जावे लागत आहे. ही घटना सध्या सोशल मीडियावरही चर्चेचा विषय ठरली आहे.