एका महिला प्रवाशाने धावत्या रेल्वेत नूडल्स शिजवल्याचा धक्कादायक प्रकार समोर आला आहे. सरिता लिंगायत नावाच्या या महिलेने हा व्हिडिओ तिच्या इंस्टाग्राम अकाउंटवर पोस्ट केला, ज्याची रेल्वे प्रशासनाने गंभीर दखल घेतली आहे. 'घरीच नव्हे तर रेल्वेमध्येही स्वतःकाला सुटी नाही', असा दावा या महिलेने व्हिडिओतून केला आहे. या व्हिडिओमध्ये ती महिला एसी कोचमध्ये इलेक्ट्रिक किटल वापरून नूडल्स बनवताना दिसत आहे. हा व्हिडिओ व्हायरल झाल्यानंतर रेल्वे प्रवासातील सुरक्षेचा आणि नियमांचा प्रश्न पुन्हा एकदा ऐरणीवर आला आहे. रेल्वे प्रशासनाने या प्रकरणाची दखल घेतली असून, अशा प्रकारे इलेक्ट्रिक उपकरणे वापरणे असुरक्षित आणि बेकायदेशीर असल्याचे म्हटले आहे.