योगेश काशिद, साम टीव्ही | बीड

काय बोलणार, काही बोलायलाच राहिलं नाही. आमचं जे होतं ते सर्वस्व गेलंय....हे शब्द आहेत बीडमधील कळसाने कुटुंबातील सदस्यांचे. डोळ्यांतून पाण्याचा धारा वाहताहेत. आपल्या १० वर्षांच्या आदित्यच्या आठवणीनं डोळ्यांतून अश्रू घळाघळा वाहत आहेत. कळसाने कुटुंबीयांचा आक्रोश काळीज पिळवटून टाकणारा आहे.

बीडमध्ये झालेल्या अतिवृष्टीनं संपूर्ण जनजीवन विस्कळीत झाले आहे. पुराच्या पाण्यात पिंपळवाडी येथील दहा वर्षाचा आदित्य कळसाने हा मुलगा वाहून गेला. त्याच्या मृत्यूनं पिंपळवाडी गावावर आणि कुटुंबीयांवर दुःखाचा डोंगर कोसळला. कुटुंबीयांच्या डोळ्यांतील पाणी काही थांबत नाही. आमचं सर्वस्व गेलं आहे. आता मदत मागून तरी काय उपयोग, अशी प्रतिक्रिया त्यांनी दिली.