वॉशिंग्टन डी. सी. मध्ये एक मोठा आणि दुर्दैवी हवाई अपघात घडला आहे. अमेरिकन एअरलाइन्सच्या प्रवासी विमानाची आणि युएस आर्मीच्या हेलिकॉप्टरची हवेतच भीषण टक्कर झाली असून, या दुर्घटनेत दोन्ही विमाने पोटोमॅक नदीत कोसळली आहेत.

अमेरिकन एअरलाइन्सच्या विमानात ६४ प्रवासी आणि ४ क्रू सदस्य होते, तर युएस आर्मीच्या हेलिकॉप्टरमध्ये ३ जवान असल्याची माहिती मिळत आहे. या अपघातानंतर बचाव व शोधमोहीम युध्द पातळीवर अजूनही सुरू आहे. आतापर्यंत काही मृतदेह नदीतून बाहेर काढण्यात आले आहेत, तर अमेक जण बेपत्ता आहेत.या दुर्घटनेमुळे संपूर्ण अमेरिकेत खळबळ उडाली असून, अपघाताच्या कारणांचा तपास सुरू आहे.