भरत मोहळकर, साम टीव्ही

सरपंच हत्या प्रकरणातील संशयित आरोपी वाल्मिक कराडवर बीडच्या जिल्हा रुग्णालयात उपचार सुरु आहेत... वाल्मिक कराडला पोटदुखीचा त्रास सुरु झाल्याने त्याला आयसीयूत भरती करण्यात आलंय... तर कराडच्या काही चाचण्याही करण्यात आल्यात.. कराडला आयसीयूत दाखल कऱण्याला अंजली दमानिया आणि जितेंद्र आव्हाडांनी विरोध दर्शवला.. कराडला आर्थर रोड जेलमध्ये हलवण्याची मागणीही दमानियांनी केलीय.

वाल्मिक कराडला बीड जिल्हा रुग्णालयाच्या आयसीयूत का नेलं? पाहूयात....

वाल्मिक कराड आयसीयूत का?

कराडला पोटदुखी सुरु झाली

कराडने स्लीप एप्निया असल्याचा दावा केला

कराडच्या छातीचा सीटी स्कॅनही करण्यात आला

बुधवारी बीड न्यायालयाने कराडची सीआयडी कोठडी संपवून 14 दिवसांची न्यायालयीन कोठडी सुनावलीय....मात्र कराडला आयसीयूत हलवण्यात आलंय.. कराड सलग 3 दिवसांपासून आयसीयूत आहे...त्यामुळे खरंच कराडला पोटदुखीचा त्रास होतोय की तुरुंगवारी टाळण्यासाठी केलेला हा बनाव आहे हे स्पष्ट होणं आवश्यक आहे.. त्यामुळे दमानियांच्या मागणीनुसार कराडचे रिपोर्ट सार्वजनिक केले जाणार का? आणि राजकीय दबाव झुगारण्यासाठी कराडला आर्थर रोड तुरुंगात हलवलं जाणार का? याकडे राज्याचं लक्ष लागलंय.