मुंबईत मागील दोन दिवसांपासून सुरू असलेल्या मुसळधार पावसाने वडाळा परिसरात पाणी साचायला सुरूवात झाली आहे. वडाळा रेल्वे ट्रॅकवर पाणी साचले आहे. यामुळे मध्य आणि हार्बर रेल्वे मार्गावरील लोकल ट्रेन सेवा पूर्णपणे विस्कळीत झाली आहे. मध्य रेल्वेच्या लोकल अर्धा तास उशिराने धावत आहेत. पाणी साचल्याने प्रवाशांना मोठा त्रास सहन करावा लागत आहे, तर काही प्रवासी ट्रॅकवरून चालताना दिसत आहेत. हवामान विभागाने पुढील २४ तास मुसळधार पावसाचा इशारा दिला आहे. महानगरपालिकेने नागरिकांना गरज असेल तरच घराबाहेर पडण्याचे आवाहन केले आहे. खासगी आणि सरकारी कार्यालयाला सुट्टी देण्यात आली आहे.