1924 मध्ये जन्मलेले प्रसिद्ध कलाकार वी.एस. गायतोंडे यांनी सन 1970 मध्ये तयार केलेली एक पेंटिंग नुकतीच लिलावात 67.08 कोटी रुपये मध्ये विकली गेली आहे. या विक्रीमुळे ही पेंटिंग भारतातील लिलावात विकलेली दुसरी सर्वात महाग पेंटिंग बनली आहे.

गायतोंडे यांचे हे चित्र अंदाजापेक्षा सुमारे तीनपट अधिक किंमतीत लिलावात विकले गेले. कॅनव्हासवर तयार केलेले हे ऑईल आर्टवर्क दिल्लीमध्ये आयोजित सैफ्रनआर्टच्या 25व्या वर्धापन दिनाच्या निमित्ताने झालेल्या लाईव्ह ईव्हनिंग सेलमध्ये विकले गेले.

67 कोटीत काय काय मिळू शकते?

ही साधी दिसणारी पेंटिंग 67.08 कोटी रुपयांत विकली गेली आहे. या रकमेने तुम्ही साधारण 150 मर्सिडीज कार्स खरेदी करू शकता. भारतात मर्सिडीजची सुरुवातीची किंमत अंदाजे 44.5 लाख रुपये आहे.

सर्वात महाग पेंटिंग कोणाची आहे?

प्रसिद्ध चित्रकार एम.एफ. हुसैन यांच्या 1950 च्या दशकातील एका खास पेंटिंगला अनटाईटल्ड (ग्राम यात्रा) लिलावात 118 कोटींपेक्षा जास्त रकमेन विकले गेले. त्यामुळे ही आधुनिक भारतीय कलेतील सर्वात महाग पेंटिंग ठरली आहे. या पेंटिंगचे खरेदीदार होते आर्ट कलेक्टर व समाजसेवी किरण नादर (अरबपति शिव नादर यांच्या पत्नी).