Vladimir Putin News : रशियाचे राष्ट्राध्यक्ष व्लादिमीर पुतीन यांनी इराणच्या राष्ट्रपतींशी दूरध्वनीवरून चर्चा केली आहे , रशियन वाहिनीच्या वृत्तानुसार, पुतीन यांनी इराणला पाठिंबा दिला असून 'आम्ही इराणच्या सोबत आहोत', असे त्यांनी म्हटले आहे. दोन्ही देशांच्या प्रमुखांमध्ये सध्याच्या जागतिक स्थितीवर आणि विशेषत: मध्य पूर्व आशियातील तणावपूर्ण परिस्थितीवर चर्चा झाल्याची माहिती आहे. रशियाने इराणला पाठिंबा देणे, हे आंतरराष्ट्रीय राजकारणात अत्यंत महत्त्वाचे मानले जात आहे. रशिया-युक्रेन युद्धामुळे आधीच तणाव वाढलेला असताना पुतीन यांनी इराणला पाठिंबा देऊन नवी समीकरणे मांडली आहेत, असे मत जाणकारांनी व्यक्त केले आहे. रशिया-इराणच्या या नव्या संवादामुळे पाश्चात्य देश आणि अमेरिकेची डोकेदुखी वाढू शकते, असे संकेत मिळत आहेत. या घडामोडीवर इतर देशांच्या प्रतिक्रिया काय असतील, हे पाहणे औत्सुक्याचे ठरेल.