बालाजी सुरवसे, साम टीव्ही

पंढरपूरच्या विठुरायाच्या दर्शनाची आस ही प्रत्येकाला लागलेली असते आणि याच आसेपोटी तब्बल 415 किलोमीटर पायी अंतर कापत दृष्टिहीन असलेले वारकरी एकमेकांना आधार देत पंढरपूरच्या दिशेने मजल दरमजल करत निघाले आहेत. अनेक वारकरी दिंड्या पंढरपूरच्या विठुरायाच्या दर्शनासाठी जात असतात. मात्र, या वारीत सामील झालेले वारकरी हे दृष्टीहीन नसून केवळ त्यांना त्यांच्या डोळ्यापुढे अंधार जरी असला तरी विठ्ठलाचे दर्शन व विठ्ठल कायम दिसतात.

मनात विठुरायाच्या दर्शनाची आस व डोळ्यापुढे विठुरायांचे चित्र घेऊन दिसत नसलं तरी तब्बल 415 किलोमीटरचा प्रवास मजल दर मजल करत हे वारकरी एकमेकांचा आधार बनत विठुरायांच्या दर्शनासाठी मार्गस्थ झाले आहेत. ही दिंडी दिव्यांग संघ पुनर्वसन केंद्र गोरेगाव जिल्हा हिंगोली येथून निघाली संत सूरदास महाराज दिव्यांग संघ यांच्या माध्यमातून ही दिंडी वाशिम ते पंढरपूर पर्यंत काढली जाते. ती धाराशिव जिल्ह्यात दाखल झाल्यानंतर कळंब शहरात ही दिंडी मुक्कामी थांबली होती. या दिंडीत एकूण 10 दिव्यांग वारकरी आहेत यांची देखभाल करण्यासाठी पाच वारकऱ्यांची नियुक्ती देखील केली गेली. पूर्णपणे दृष्टीही सृष्टीचा रंग बोध नसलेले एकमेकांना साथ घालत व साथ देत या अन्न वारकऱ्यांनी कळंब पर्यंतचा प्रवास सुखरूप पार केला आहे. त्यांच्या तोंडातून निघणारे हे अभंग व त्यांची विठ्ठल नामाची भक्ती हीच त्यांना पंढरपूरकडे पुढे जाण्यासाठी मदत करत असल्याचे स्वतः सांगता आहेत.