Vishal Patil-Chandrahar Patil | सांगली लोकसभा निवडणुकीत महाविकास आघाडीचे शिवसेना ठाकरे गट उमेदवार चंद्रहार पाटील आणि काँग्रेसचे बंडखोर विशाल पाटील यांच्यात आरोप प्रत्यारोप सुरू आहेत. आज दोन्ही उमेदवार सांगलीमध्ये प्रचारानिमित्त एकाच ठिकाणी आले. मग काय करणार? मग या दोघांनीही एकमेकांना हस्तांदोलन करत एकमेकांची विचारपूस केली. शहरातल्या बापट मळा या ठिकाणी मतदारांशी संवाद साधत असताना विशाल पाटील आणि चंद्रहार पाटील यांची ही भेट झाली, त्यावेळी दोन्ही नेत्यांनी हसून एकमेकांची विचारपूस केली.