बैलपोळ्यानिमित्त लातूर जिल्हाभरात बैलांची मिरवणूक काढण्यात आली. अशाचप्रकारे लातूरच्या खरोळा गावात थाटामाटात बैलांची मिरवणूक काढण्यात आली होती. पण या मिरवणुकीदरम्यान एक बैल अचानक उधळला. बैलाने धूम ठोकली आणि ग्रामस्थांची धावपळ झाली. सर्वजण घाबरून सैरावैरा पळू लागले. बैल उधळतानाचा व्हिडीओ समोर आला असून तो व्हायरल होत आहे.

तत्तापुरे यांचा लक्षा नावाचा बैल सजावट करून आणि सुंदर पद्धतीने रंगरंगोटी करून सजवून मिरवणुकीसाठी आणला होता. हा लक्षा इतर बैलांमध्ये खूपच आकर्षक दिसत होता. मात्र अचानक बैल उधळल्याने मिरवणुकीमध्ये जमलेल्या ग्रामस्थांची धावपळ उडाली. तर यात कुठलीही जीवितहानी झाली नाही. या लक्षा नावाच्या बैलाने धूम ठोकून थेट शेतात जाऊन दावणीला थांबला.