बीड: सरपंच संतोष देशमुख यांच्या हत्येचा मुख्य आरोपी वाल्मीक कराडला तुरुंगात व्हीआयपी ट्रीटमेंट दिली जात असल्याचा खळबळजनक आरोप त्यांचे बंधू धनंजय देशमुख यांनी केला आहे. त्यांनी प्रशासनाकडे जेलमधील सीसीटीव्ही फुटेज तातडीने सार्वजनिक करण्याची मागणी केली आहे.

धनंजय देशमुख यांनी असा आरोप केला आहे की, पोलीस अधिकारी वाल्मीक कराडची विशेष सोय करत असून त्याला तुरुंगात शाही सुविधा मिळत आहेत. त्यामुळे हा आरोपी तुरुंगात आहे की कोणत्या खासगी ठिकाणी याचा तपास करणे आवश्यक आहे.

जर आरोपीला तुरुंगातही विशेष सोय केली जात असेल, तर त्याला तुरुंगात ठेवण्याचा काही उपयोग नाही. मग त्याला एखाद्या फ्लॅट किंवा रेस्ट हाऊसमध्येच ठेवा! अशी टीका धनंजय देशमुख यांनी केली आहे.