राज्यसभेच्या ७ जागांसाठी निवडणूक होणार आहे. या निवडणुकीसाठी अर्ज भरण्याचा आज शेवटचा दिवस आहे. भाजपच्या चारही उमेदवारांनी आज आपला उमेदवारी अर्ज दाखल केला. माजी मंत्री विनोद तावडे, आरपीआयचे प्रमुख आणि केंद्रीय राज्यमंत्री रामदास आठवले, हिंगोली येथील भाजप नेते रामराव वडकुते आणि नागपूरच्या भाजप नेत्या माया ईवनाते यांनी आपला उमेदवारी अर्ज दाखल केला. राज्याचे उपमुख्यमंत्री देवेंद्र फडणवीस, प्रदेशाध्यक्ष रवींद्र चव्हाण यांच्या उपस्थितीत त्यांनी अर्ज दाखल केला. राष्ट्रवादी काँग्रेस अजित पवार गटाकडून पार्थ पवार उमेदवारी अर्ज दाखल करणार आहेत. तर महाविकास आघाडीकडून शरद पवार यांनी उमेदवारी अर्ज दाखल केला.