Viral video of Jantar Mantar protest : नवी दिल्लीतील जंतरमंतरवर सुरू असलेल्या आंदोलनादरम्यान एक अत्यंत धक्कादायक प्रकार समोर आला आहे. आंदोलक विद्यार्थ्यांनी पोलिसांवर दगडफेक केल्याचा आरोप केला जात होता, मात्र आता या घटनेचा एक खळबळजनक व्हिडिओ समोर आला आहे.

या व्हिडिओमध्ये पोलीस आणि सुरक्षारक्षक स्वतःच आंदोलक विद्यार्थ्यांच्या दिशेने दगड फेकत असल्याचे स्पष्ट दिसत आहे. या व्हिडिओमुळे पोलिसांचा बनाव उघडा पडला असून प्रशासनाच्या या भूमिकेवर गंभीर प्रश्न उपस्थित केले जात आहेत. या प्रकारानंतर आंदोलन अधिकच चिघळले असून नागरिकांमधून प्रचंड संताप व्यक्त होत आहे.