केरळच्या वायनाडमध्ये नुकताच भूस्खलनामुळे शेकडो लोकांचा बळी गेला आहे. महाराष्ट्रातही यापूर्वी अशा घटना घडल्या आहेत. दरम्यान कोल्हापूर जिल्ह्यातील ८९ गावांना भूस्खलनाचा धोका निर्माण झाला आहे. त्यामुळे या गावांमध्ये भीतीचं वातावरण आहे. डोंगर माथ्यावरील सपाटीकरण आणि डोंगर फोडून केलेली बांधकामं आणि मोठ्या प्रमाणात वृक्षतोड सुरू असल्यामुळे भूस्खलनाचा धोका वाढतोय. यावर स्थानिक प्रशासनाचा अंकुश नसल्याचं समोर आलं आहे. त्यामुळे पावसाळ्यात दरडी कोसळणे आणि भूस्खलनासारख्या घटना वाढतात. वायनाड येथे झालेल्या भूस्खलनाच्या घटनेमुळे हा विषय ऐरणीवर आला आहे. या सर्व प्रकारामुळे स्थानिकामंध्ये मात्र भीतीचं वातावरण आहे.