पश्चिम महाराष्ट्रात शरद पवारांनी महायुतीला धक्के द्यायला सुरुवात केली आहे. एकामागून एक धक्के बसत आहेत. आधी समरजितसिंह घाटगे, त्यानंतर के.पी पाटील आणि आता रणजितसिंह मोहिते शऱद पवारांच्या गळाला लागण्याची शक्यता आहे. त्यामुळे पश्चिम महाराष्ट्रात महाविकास आघाडीचं पारडं जड होताना दिसत आहे. रणजितसिंह मोहिते पाटील यांनी शरद पवार यांची भेट घेतली आहे.पुण्यातील कार्यक्रमा दरम्यान रणजितसिंह मोहिते पाटील यांनी पवारांशी संवादही साधला आहे.कार्यक्रमावेळी भाषण संपल्यानंतर रणजितसिंह हे स्वतः शरद पवार बसलेले असताना त्यांच्याकडे जाऊन भेट घेतली. रणजितसिंह मोहिते पाटील हे सध्या भाजपचे विधान परिषदेचे आमदार आहेत.