वसई पूर्वेच्या वसंत नगरीतील सेठ विद्यामंदिर मध्ये भाजप कार्यकर्त्यांचा गोंधळ पाहायला मिळाला. या गोंधळानंतर पोलिसांनी भाजप कार्यकर्त्यांवर लाठीचार्ज केला. माजी आमदार क्षितीज ठाकूर यांना आत का सोडले? असा सवाल करत भाजप कार्यकर्त्यांनी गोंधळ घातला. मतदान केंद्रावर प्रचंड गोंधळ आणि तणावाचं वातावरण निर्माण झाले होते. यामुळे भाजपचे आणि बविआचे कार्यकर्ते भिडले. त्यावेळी पोलिसांनी भाजपच्या कार्यकर्त्यांवर लाठीचार्ज केला. त्यामुळे भाजप कार्यकर्ते चांगलेच आक्रमक झाले होते. पोलिस लाठीचार्ज करत असताना भाजप कार्यकर्ते पळत असल्याचा व्हिडीओ समोर आला असून तो व्हायरल होत आहे.