आजपासून विधिमंडळाच्या पावसाळी अधिवेशनाला सुरूवात झालीये. या अधिवेशनादरम्यान बऱ्याच मोठ्या राजकीय घडामोडी घडत आहेत. यावेळी उपमुख्यमंत्री देवेंद्र फडणवीस आणि ठाकरे गटाचे नेते उद्धव ठाकरे यांची भेट झालीये. विधिमंडळात जात असताना दोघांनी एकाच लिफ्टमधून प्रवास केला. त्यांच्यासोबत भाजप नेते प्रवीण दरेकर हे सुद्धा लिफ्टमध्ये होते. पण दरेकरांना आधी बाहेर काढा, असं विधान ठाकरेंनी केलं. त्याचप्रमाणे त्यांच्या भेटीवर ठाकरे गटाचे नेते वैभव नाईक यांनीही मोठा खुलासा केलाय. भाजप आणि शिवसेना पुन्हा एकदा एकत्र येणार का? यावर देखील नाईक यांनी भाष्य केलंय. त्यामुळे आता विधानसभेच्या निवडणुकीत नेमकं काय घडलं? हे पाहणं महत्त्वाचं ठरणार आहे.