अमरावती लोकसभेसाठी आज मतदान पार पडत आहे. पण मतदानावर अवकाळी पावसाचे सावट आहे. काल रात्री अमरावतीत अवकाळी पावसाने हजेरी लावली. आज सकाळीही काही भागांत हलक्या सरी बरसल्या आहे. अवकाळी पावसामुळे उकाड्याने हैराण झालेल्या नागरिकांना दिलासा मिळाला आहे. पण आज जिल्ह्यात अवकाळी पाऊस पडू शकतो असा अंदाज व्यक्त केला जात आहे. काही दिवसांपूर्वी विदर्भ आणि पश्चिम महाराष्ट्रात अवकाळी पाऊस, वादळी वारा आणि गारपीट झाली होती. त्यामुळे शेतपिकाचे अतोनात नुकसान झालं होतं.