उल्हासनगरच्या रमाबाई टेकडी परिसरात मारहाण प्रकरणी आरोपी दिवाकर यादव आणि इतरांवर गुन्हा दाखल करण्यात आला होता. आरोपी जामिनावर सुटल्यानंतर त्यांच्या समर्थकांनी फटाके फोडत आणि मिरवणूक काढत आनंद व्यक्त केला. या प्रकाराचा व्हिडिओ सोशल मीडियावर व्हायरल झाल्यानंतर उल्हासनगर पोलिसांनी तात्काळ लक्ष घालून कडक कारवाईचा बडगा उगारला आहे.

पोलिसांनी या मिरवणुकीचा माज उतरवत त्याच परिसरात आरोपीची धिंड काढली. पोलिसांच्या या निर्णायक आणि धडाकेबाज कारवाईमुळे संपूर्ण परिसरात एकच खळबळ उडाली आहे. कायद्याचा गैरवापर करणे आणि गुन्हेगारांना हिरो बनवण्याचा प्रयत्न करणाऱ्यांवर पोलिसांचा दणका बसला आहे.पोलिसांनी दिलेल्या माहितीनुसार, गुन्हेगारी कृत्यांनंतरही समाजात दहशत निर्माण करणाऱ्या प्रवृत्तींना रोखण्यासाठी ही कारवाई केली गेली आहे.