मुंबईत आज महाविकास आघाडीची संयुक्त पत्रकार परिषद पार पडली. पत्रकार परिषदेदरम्यान उद्धव ठाकरेंनी भाजप आणि मोदींवर टीकास्त्र डागलं आहे. मी नाशिकमध्ये काळाराम मंदिरात गेलो होतो, तेव्हा म्हटलं होतं की, मला भाजपमुक्त राम पाहिजे.अयोध्येत आणि नाशिकमध्ये भाजपमुक्त राम झाला आहे. जिथे जिथे राम आहे तिथे तिथे भाजपचा पराभव झाला आहे असे म्हणत उद्धव ठाकरेंनी मोदींवर निशाणा साधला आहे. पत्रकारपरिषदेत सोडून गेलेल्यांना परत घेणार का? असा प्रश्न पत्रकारांनी उद्धव ठाकरे आणि शरद पवार यांना विचारला असता त्यांनी नाही असे उत्तर दिले आहे.