नाशिकमध्ये पार पडलेल्या निर्धार शिबिरामध्ये उद्धव ठाकरेंनी भाजपवर तोफ डागली असून शिवसैनिकांना पुन्हा नव्याने महापालिका निवडणुकीच्या कामाला लागण्याच्या सूचना उद्धव ठाकरे यांनी दिल्या.

उद्धव ठाकरे म्हणाले, सत्ता टिकवण्यासाठी तुम्ही सत्ता जिहाद केला, आणि कडवट शिवसेनेला दूर करून मशिदीत जाणाऱ्या चंद्रबाबूला सोबत घेतले. आणि आम्हाला सांगता तुम्ही हिंदुत्व सोडले अशी टीका ठाकरे यांनी निर्धार मेळाव्यात केली.

तुमच हिंदुत्व आहे तरी काय ? असा सवाल करत आम्हाला बाळासाहेबांनी हिंदू मुस्लिम म्हणून नाही तर राष्ट्रीयत्व म्हणून तुमच हिंदुत्व असले पाहिजे हे शिकवले आहे. जो या देशासाठी मरायला तयार आहे, जो या देशाला मातृभूमि मानतो, माझा देश मानतो मग तो कोणत्याही जातीचा असो अशी शिकवण आम्हाला पक्षप्रमुखांनी शिकवली आहे.

हिंदू मुस्लिमांना एकमेकांवर दगड मारायला लावतात आणि त्या दगडांवर उभ राहून सत्ता भोगतात अशी घणाघाती टीका उद्धव ठाकरे यांनी केली. हनुमान जयंती आणि रामनवमीला भाजपचे कितीलोक तुमच्या घरात आले. पण रमजान ईदला 32 लाख मुस्लिमांना यांनी स्वतःच्या पैशांनी 'सौगात ए मोदी' भेट म्हणून दिले. याचा आनंद आहे पण निवडणुकीच्या वेळेस 'बटेंगे तो कटेंगे' अशी सडकून टीका उद्धव ठाकरे यांनी नाशिकच्या निर्धार शिबिरात भाजपवर केली.