राज्याच्या राजकारणातून सर्वात मोठी बातमी हाती आली आहे. येत्या दोन दिवसांत उद्धव ठाकरेंना मोठा धक्का बसण्याची शक्यता आहे. ठाकरेंच्या शिवसेनेच्या वर्धापन दिनी ६ खासदार साथ सोडण्याची दाट शक्यता आहे. ठाकरेंचे बंडखोर खासदार संसदेत वेगळा गट स्थापन करण्याची मोठी शक्यता असून उद्या लोकसभा अध्यक्षांना भेटून पत्र देणार आहेत.

दोन खासदारांसाठी खासगी विमाने

नांदेड विमानतळावरून दोन खासगी विमानाने खासदार संजय जाधव आणि खासदार संजय देशमुख दिल्लीकडे रवाना झाली. मुंबईवरून नांदेडला आलेल्या खाजगी विमानात आठ ते दहा लोक असल्याची माहिती आहे. तर दिल्लीवरून आलेल्या विमानात नांदेडवरून दोन खासदार दिल्लीकडे रवाना झाली आहेत. हिंगोली लोकसभेचे खासदार नागेश पाटील आष्टीकर हैदराबादवरून दिल्लीला गेल्याची सूत्राची माहिती आहे. हदगाववरून हैदराबादला वाहनाने तर हैदराबाद वरून विमानाने आष्टीकर दिल्लीकडे रवाना झाल्याची सूत्राची माहिती आहे.