मुंबईत आज महाविकास आघाडी आणि मनसेकडून सत्याचा मोर्चा काढण्यात येणार. मोर्चाच्या पार्श्वभूमीवर आझाद मैदानावर नेत्यांनी भाषण केलं. यावेळी शिवसेना पक्षप्रमुख उद्धव ठाकरेंनी मतचोरीबाबत खुलासा केला. उद्धव ठाकरे म्हणाले, “अर्जदारांनी पुन्हा एकदा आपली नावं तपासावीत.” अर्ज व्हेरिफिकेशनसाठी एका व्यक्तीचा अर्ज आला होता. मी तो अर्ज वाचला असता, अर्जाच्या शेवटी ‘उद्धव बाळासाहेब ठाकरे’ असं नाव लिहिलं होतं,” असं ठाकरे म्हणाले.

याचदरम्यान त्यांनी पुढे सांगितलं की, हा प्रकार ‘सक्षम’ नावाच्या अॅपवरून करण्यात आला आहे. हा सर्व प्रकार मतदार यादी हॅक करण्याचा प्रयत्न असल्याचा संशय आहे. माझ्यासकट माझ्या कुटुंबातील सदस्यांची नावं मतदार यादीतून वगळण्याचा प्रयत्न केला गेला आहे का, असा प्रश्न निर्माण होतो, असा संशयही उद्धव ठाकरे यांनी व्यक्त केला.