सातारा : सातारा लोकसभा मतदार संघासाठी खासदार उदयनराजे भोसलेंची उमेदवारी जाहीर केलेली नाही. दरम्यान, त्याआधीच उदयनराजे भोसले यांनी अनामत रक्कम भरल्याची माहिती समोर आली आहे. आपल्या उमेदवारीचा अर्जही उदयनराजे यांनी घेऊन ठेवला असल्याची माहिती समोर आलीय. उमेदवारी जाहीर होण्याआधीपासूनच उदयनराजे भोसले निवडणूक लढवण्यावर ठाम आहे. त्यांनी आपल्याल प्रचारालाही सुरुवात केल्याचं पाहायला मिळालं होतं. दरम्यान, त्यांनी आता डिपॉझिटही भरल्याचं समोर आलं असून लवकरच ते उमेदवारी अर्ज भरण्याची शक्यता वर्तवली जातेय. मात्र या सगळ्यात राजकीय घडामोडींमध्ये नेमकी त्यांची उमेदवारी भाजपकडून जाहीर होते का हे पाहणं महत्त्वाचंय. शरद पवार यांनी साताऱ्यात शशिकांत शिंदे यांच्यासाठी जोरदार शक्तिप्रदर्शन केलं. नेमक्या त्याच दिवशी उदयनराजे भोसले यांनी अनामत रक्कम भरल्याचंही समोर आलंय.