परभणी जिल्ह्याच्या सेलू तालुक्यातील चिकलठाणा जिल्हा परिषद सर्कलमधील बोथ आणि बोथ तांडा या दोन्ही गावांमध्ये ग्रामस्थांचा मतदानावर बहिष्कार कायम राहिला. रस्ता आणि नदीवरील पूल पूर्ण होईपर्यंत मतदान करणार नसल्याच्या भूमिकेवर ग्रामस्थ ठाम राहिल्याने मतदानाची वेळ संपेपर्यंत गावात एकही मतदान झाले नाही. त्यामुळे दोन्ही गावांमध्ये ० टक्के मतदानाची नोंद झाली असून मतदान केंद्रावरील अधिकारी सर्व साहित्य घेऊन परतले आहेत. गावकऱ्यांच्या एकजुटी पुढे प्रशासनाचे हतबलता इथे दिसून आली आहे.