संभाजीनगरमध्ये उष्माघाताचा दुसरा बळी गेला आहे. उष्माघातामुळे एका १७ वर्षीय तरुणीचा मृत्यू झाला आहे. सोयगाव तालुक्यात सुमन पवार ही शेतात कामासाठी गेली होती. थोडा वेळ सावली आणि थोडावेळ उन्हात अशी ती काम करत होती. घरी आल्यावर तिला अस्वस्थ वाटू लागले. सुमनला रात्री उलटी झाली. रात्री झोपल्यावर ती सकाळी उठलीच नाही. म्हणून तिला रुग्णालयात दाखल केले. पण उपचारापूर्वीच तिचा मृत्यू झाला. यापूर्वी शेतकरी प्रकाश तराल यांचाही उष्माघातामुळे मृत्यू झाला होता. सोयगावात उन्हाचा पारा हा ४४ अंशावर पोहोचला आहे.