विशाल पाटील यांनी अपक्ष उमेदवारी दाखल केली. अपक्ष उमेदवारी दाखल केल्यानंतर विशाल पाटील यांनी सांगलीत शक्तीप्रर्शन केलं. यावेळी विशाल पाटील भावून झाल्याचं पहायला मिळालं. आपल्या आजोबांची आणि वडिलांची आठवण काढून, मलाही त्यांच्या सारखं बनावसं वाटतं. मी स्वार्थासाठी लढत नाही. असं म्हणत विशाल पाटील भावून झाले. जागावाटपात सांगलीची जागा उद्धव ठाकरे गटाला गेली. पण, विशाल पाटील आणि त्यांच्या समर्थकांनी ही जागा कॉंग्रेसला मिळावी म्हणून शर्थीचे प्रयत्न केले. त्यांच्या प्रयत्नांना यश आलं नाही, म्हणून अखेर विशाल पाटलांनी अपक्ष उमेदवारी अर्ज दाखल केला. विशाल पाटलांच्या या भूमिकेमुळे महाविकास आघाडीत मिठाचा खडा पडण्याची शक्यता वर्तवण्यात येतेय.