मंबईत रविवारी रात्री पासून मुसळधार पाऊस सुरु आहे. या पावसाचा फटका मुंबई लोकलला बसला आहे. रेल्वे रुळावर पाणी साचल्यामुळे लोकल ट्रेन ठप्प झाल्या आहेत त्यामुळे नागरिकांची तारांबळ उडाली आहे. आता मुसळधार पावसाचा रेल्वे सोबतच रस्ते वाहतुकीवर देखील परिणाम होऊ लागला आहे. रेल्वे सेवा विस्कळीत झाल्यामुळे अनेकांनी रस्त्यावरुन वाहतुक करणे पसंत केले आहे. परंतु त्यामुळे रस्त्यावर देखील वाहतुक कोंडी होत आहे. वेस्टर्न एक्सप्रेसवेवर वाहतुक कोंडी झाल्याची माहिती समोर येत आहे. आठवड्याच्या पहिल्याच दिवशी वाहतुकीचा खोळंबा झाल्यामुळे नागरिकांना समस्येना सामोरे जावे लागत आहे.