केरळमध्ये मेंदू खाणाऱ्या अमिबाची दहशत पसरली आहे. या अमिबाची लागण चार मुलांना झाली असून आतापर्यंत तीन लहानग्यांचा मृत्यू झाला आहे. उत्तर केरळमधील पायोली इथे राहणारा १४ वर्षाचा मुलगा तलावात पोहायला गेला होता. तेव्हा हा अमिबा त्याचा संपर्कात आला. नाकावाटे हा अमिबा या मुलाच्या मेंदूत शिरला. त्यामुळे या मुलाची तब्येत बिघडली. केरळमधली ही चौथी घटना आहे. आधीच्या तीन घटनांमध्ये अशाचप्रकारे ही मुलं पाण्यात पोहण्यासाठी गेले होते. तेव्हा नाकावटे हा अमिबा त्यांच्या मेंदूत शिरला. उपचारादरम्यान या तीनही मुलांचा मृत्यू झाला. चौथ्या मुलावर सध्या उपचार सुरू आहेत. विदेशी औषध दिल्यानंतर त्याच्या प्रकृतीत सुधारणा होत असल्याचे डॉक्टरांनी सांगितले आहे.