Beed News: मागासवर्गीय योजनेचा आमचा निधी वळविण्यापेक्षा, मुख्यमंत्र्यांनी आपला बंगला विकून लाडकी बहीण योजनेला पैसे द्यावेत. त्याचबरोबर अत्याचार करणारे सरकारच्या दलालीमुळे बाहेर फिरतात असं म्हणत बीडच्या धारूरमध्ये आंबेडकरी संघटना आक्रमक झालीय. लाडकी बहीण योजनेचा निधी अन् महिलांवरील वाढत्या अत्याचाराच्या घटना याच्या निषेधार्थ धारूर तहसिल कार्यालयावर मोर्चा काढण्यात आलाय. दरम्यान आमच्या मागण्या येणाऱ्या तीन दिवसात पूर्ण केल्या नाही तर तहसील कार्यालयाला कुलूप ठोकू, तहसील कार्यालय जाळून टाकू, असा इशारा देखील यावेळी आंदोलनकर्त्यांनी दिला आहे.