उत्तर पश्चिम मतदासंघाच्या ओशिवारामध्ये भाजप आणि ठाकरे गटाचे कार्यकर्ते आमनेसामने आल्याचं पहायला मिळालं. आमदार भारती लवेकर आणि भाजप नेत्या दिव्या ढोले या मतदान केंद्रात फिरत असल्याचा आरोप ठाकरे गटाने केला. यानंतर मतदान केंद्रावर गोंधळाचं वातावण निर्माण झालं होतं. दरम्यान पोलिसांनी गोंधळ घालणाऱ्या ठाकरे गट आणि भाजपच्या कार्यकर्त्यांना मतदान केंद्राबाहेर काढलं. ठाकरे गटाने केलेले आरोप आमदार भारती लवेकर यांनी फेटाळून लावले. पण, या सगळ्या गदारोळात मतदान केंद्रावर काही काळ तणावाचं वातावरण निर्माण झालं.