महाराष्ट्राचे उपमुख्यमंत्री अजित पवारांचं विमान अपघातात निधन झालं आहे. अजित पवारांच्या जाण्याने संपूर्ण महाराष्ट्राला मोठा धक्का बसला आहे. अजित पवार यांच्या अकाली निधनाने संपूर्ण पवार कुटुंबावर शोककळा पसरलीये. अजितदादांच्या निधनाची बातमी समोर येताच सुप्रिया सुळे, सुनेत्रा पवार आणि पार्थ पवार दिल्लीहून बारामतीकडे रवाना झालेत. यावेळी केंद्रीय मंत्री रामदास आठवले यांनी अजित पवार यांच्या निधनानंतर शोक व्यक्त केलाय.

अजित पवार यांच्या निधनानंतर रामदास आठवले म्हणाले की, अजित दादा खूप मोठे नेते होते. महाराष्ट्राच्या विकासासाठी त्यांनी महायुतीमध्ये प्रवेश केला होता. उपमुख्यमंत्री म्हणून त्यांनी खूप चांगलं काम केलं होतं. अजित दादांच्या जाण्याने महाराष्ट्राचं खूप मोठं नुकसान झालं आहे.