ब्युरो रिपोर्ट, साम टीव्ही, मुंबई
केसांना तेल लावल्याने केस मजबूत होतात आणि केसांच्या मुळांना पोषण मिळते.
केस सॉफ्ट आणि शायनी हवे असतील तर, नेहमीच केसांना तेल लावण्याचा सल्ला दिला जातो.
पण काही लोक केसांवर गरम तेल लावतात. गरम तेल लावल्याने केसांना फायदा होतो आणि केस कमी गळण्यास मदत होते.
गरम तेल लावल्याने स्कॅल्पला खाज येते किंवा कोंडा होऊ शकतो. त्यामुळे केसांमधील ओलावा देखील कमी होतो.
खूप गरम तेल वापरल्याने तुमचे केस कोरडे होऊ शकतात आणि स्कॅल्पवरील कोरडेपणा वाढू शकतो.
काही लोकांचे स्कॅल्प संवेदनशील असतात, ज्यामुळे त्यांना ऍलर्जी होण्याची शक्यता जास्त असते. तसेच गरम तेलामुळे पुरळ उठू शकते.
खूप गरम तेल लावल्याने तुमच्या केसांना नुकसान होऊ शकते. ज्यामुळे केसांची चमक कमी होऊ शकते.
तेल थोडे गरम करा आणि थंड होऊ द्या. नंतर ते केसांना लावा आणि हलक्या हाताने मसाज करा. तेच तेल वारंवार गरम करणे टाळा, कारण यामुळे त्यातील पोषक घटक नष्ट होऊ शकतात.
तेल लावल्यानंतर, कोमट पाण्यात भिजवलेला टॉवेल केसांवर १५ मिनिटे गुंडाळा आणि नंतर केस धुवा.