घाटकोपरमध्ये भला मोठा होर्डिंग पेट्रोल पंपवर कोसळून मोठी दुर्घटना झाली होती. घटनेतील आरोपी भावेश भिंडे हे इगो मीडियाचे संचालक असून हायकोर्टाने त्यांना दणका दिला आहे. मुंबई हायकोर्टाने भावेश भिंडेची याचिका फेटाळली आहे. होर्डिंग दुर्घटना हे दैवी कृत्य असल्याचा दावा करत गुन्हा रद्द करण्याची मागणी भावेश याने केली होती. अटक बेकायदेशीर असल्याचा दावा सुद्धा त्याने याचिकेतून केला होता. परंतु कोर्टाने ही याचिका फेटाळली आहे. तर भावेशला लेखी पूर्वसूचना देऊनच अटक केल्याचा दावा मुंबई पोलीसांनी केला आहे.