ठाणे : छत्रपती शिवाजी महाराज स्थानकावर (Chhatrapati Shivaji Mahraj Terminus) दोन फलाटांचे रुंदीकरण सुरू आहे. त्यामुळे मध्य रेल्वेवर ६३ तासांचा मेगाब्लॉक (Mega Block) घेण्यात आला आहे. ठाण्याहून लोकल नसल्याने चाकरमान्यांनी आपल्या खासगी वाहनांनी ऑफिस गाठायला सुरूवात केली आहे. त्यामुळे मोठ्या प्रमाणात वाहतूक कोंडी निर्माण झाली आहे. कल्याण, डोंबिवली आणि बदलापूरच्या कर्मचाऱ्यांनी आज घरीच राहणे पंसत केले आहे. पण ठाणेकरांनी ऑफिस गाठायला सुरूवात केली आहे. त्यामुळे ठाण्याकडून मुंबईच्या दिशेने वाहतुक कोंडी झाली आहे.