शिवसेना भवनमध्ये ठाकरेसेनेच्या विभाग प्रमुखांची उद्धव ठाकरे यांच्या प्रमुख उपस्थितीत बैठक झालेली आहे. या बैठकीत दसरा मेळाव्याच्या तयारीसंदर्भात चर्चा करण्यात आली असून या बैठकीत खासदार अनिल देसाई, आमदार अनिल परब, महेश सावंत आणि मुंबईतील सर्व विभाग प्रमुख उपस्थित होते.

मुंबईतील 227 शाखा प्रमुखांवर दसरा मेळाव्याची जबाबदारी सोपवण्यात आली आहे. तसेच प्रत्येक शाखेतून 100 ते 125 शिवसैनिकांना मेळव्याला आणण्याची जबाबदारी दिली आहे.

किमान 2 लाख शिवसैनिक मुंबईतून मेळाव्याला येणार असून राज्यातील इतर भागातून शिवसैनिकांना आणण्याची जबाबदारी जिल्हा प्रमुखांवर देण्यात आली आहे.