महाराष्ट्राच्या राजकीय पटलावर घडणाऱ्या अनेक युतींपैकी एक म्हणजे ठाकरे बंधूंच मनोमीलन मराठी भाषेच्या मुद्यावरून ठाकरे बंधूंचा मुंबईत एकत्रित विजयी मेळावा होत आहे. ठाकरे बंधूंच्या एकत्र येण्यामुळे दोन्ही पक्षातील कार्यकर्ते आणि नेत्यांमध्ये नवचैतन्य निर्माण झाले आहे. हिंदी सक्तीनंतर दोन्ही बंधुनी एकत्र येत याचा कडाडून विरोध केला. यानंतर सरकारला गुडघ्यावर बसून हा शासन निर्णय रद्द करावा लागला. याचाच विजय मेळावा आज मुंबईतील वरळी डोममध्ये पार पडत आहे. राज आणि उद्धव ठाकरे तब्बल 19 वर्षांनंतर एकत्र येत असल्याने संपूर्ण मराठी बांधव हा आनंदित झाला असून मुंबईच्या लोकलमध्ये देखील याचे सेलिब्रेशन पाहायला मिळत आहे.