Girish Mahajan latest news : नाशिक महानगरपालिकेच्या स्थायी समिती बैठकीत मंत्री गिरीश महाजन यांच्या नावावरून मोठा गदारोळ उडाला. शिंदेंच्या शिवसेनेच्या नगरसेविका आणि स्थायी समिती सदस्य किरण गामने-दराडे यांनी बैठकीत थेट गंभीर आरोप केले. माजी नगरसेवक राकेश डोमसे हे मंत्री गिरीश महाजन यांच्या नावाचा गैरवापर करून मोठा टीडीआर (TDR) घोटाळा करत असल्याचा दावा त्यांनी केला.

या बैठकीत थेट मंत्र्यांचे नाव घेतल्यामुळे स्थायी समिती सभापती मच्छिंद्र सानप कमालीचे आक्रमक झाले. "गिरीश महाजनांचे नाव न घेता, थेट संबंधित व्यक्तीचे नाव घेऊन बोला," असे सांगत सभापतींनी शब्द मागे घेण्याची मागणी केली. यावरून बैठकीत दोघांमध्ये जोरदार शाब्दिक चकमक झाली.