टाटा मोटर्सने आपली आयकॉनिक सिएरा एसयूव्ही तब्बल दोन दशकांनंतर बाजारात पुन्हा आणली आहे. या मिड-साइज एसयूव्हीची सुरुवातीची किंमत ११ लाख रुपये आहे. ज्यामुळे ती थेट ह्युंदाई क्रेटा आणि किया सेल्टॉस सारख्या गाड्यांना स्पर्धा देईल. नवीन टाटा सिएरा ही भारतातील पहिली एसयूव्ही आहे. जिच्या डॅशबोर्डवर तीन मोठ्या स्क्रीन्स आहेत. ही गाडी पेट्रोल, डिझेल आणि ईव्ही अशा तीन पॉवरट्रेन पर्यायांमध्ये उपलब्ध आहे. यात दीड लिटर टर्बो पेट्रोल आणि डिझेल इंजिन असून, दोन्ही मॅन्युअल आणि ऑटोमॅटिक गिअरबॉक्ससह येतात. गाडीमध्ये फाइव्ह-जी कनेक्टिव्हिटी, वायरलेस अँड्रॉइड ऑटो आणि ॲपल कारप्ले यांसारखी प्रीमियम वैशिष्ट्ये देखील आहेत. या गाडीसाठी बुकिंग १५ डिसेंबरपासून सुरू होणार असून, ग्राहकांना जानेवारी २०२६ पासून डिलिव्हरी मिळण्यास सुरुवात होईल.