मुंबईत BCCIच्या ब्रॉडकास्ट टीममधील एका परदेशी इंजिनिअरचा संशयास्पद मृत्यू झाल्याची घटना समोर आली आहे. विल्यम्स लेग्नफोर्ड असे मृत व्यक्तीचे नाव असून ते मूळचे ब्रिटिश नागरिक होते. मिळालेल्या माहितीनुसार विल्यम्स लेग्नफोर्ड हे आयपीएल (IPL) सामने कव्हर करण्यासाठी भारतात आले होते. ते 24 मार्चपासून Trident Hotel येथे काही दिवसांसाठी राहत होते.

दरम्यान, त्यांचा मृतदेह आढळून आल्यानंतर परिसरात खळबळ उडाली आहे. या प्रकरणाची नोंद मरीन ड्राइव्ह पोलीस स्टेशन येथे करण्यात आली असून पोलिसांनी तपास सुरू केला आहे. सध्या मृत्यूचे नेमके कारण अद्याप स्पष्ट झालेले नाही. वैद्यकीय अहवाल आल्यानंतरच अधिक माहिती समोर येणार असल्याचे पोलिसांनी सांगितले आहे.