हिदी सक्ती विरोधात दोन्ही ठाकरे बंधु एकत्र मोर्चा काढणार असल्याचे ठाकरे गटाचे खासदार संजय राऊत यांनी याबाबत ट्विट करत माहिती दिली. यावर ठाकरे गटाच्या उपनेत्या सुषमा अंधारे प्रतिक्रिया देत म्हणाल्या, हिंदी सक्तीच्या विरोधात सगळ्यांनी पक्षीय राजकारणाच्या चष्म्यातून न बघावे. याला कुठेही पक्षीय रंग लाऊ नये जो कोणी मराठीसाठी पुढे येईल आम्ही त्याच्या पाठीशी आहोत. मनसे प्रमुखांनी काल मोर्चासाठी आवाहन केले आणि जर दोघांचा हेतु एक असेल तर दोघांनी एकत्र येऊन मोर्चा काढायला काय हरकत आहे असे सुषमा अंधारे म्हणाल्या. आता येणाऱ्या 5 जुलैच्या मोर्चाकडे संपूर्ण राज्याचे लक्ष लागले आहे.