Supriya Sule New Delhi: दिल्लीतून सुप्रिया सुळेंची पहिली प्रतिक्रिया समोर आलीय. "आज आमच्या चार वेगवेगळ्या महत्वाच्या सुनावण्या दिल्लीत होत्या. शरद पवार यांचा पक्ष त्यांच्याकडून काढून घेण्यात आला पण जनतेने आम्हाला आशीर्वाद दिले त्याबद्दल आभार. आम्हाला तुतारी हे चिन्ह तात्पुरत्या स्वरुपात देण्यात आलं होतं. पण आम्हाला चेक घेण्याचा अधिकार नव्हता त्याचबरोबर टॅक्स बेनिफीट मिळत नव्हता. तर आता आमची विनंती मान्य करण्यात आलीये."दुसरी एक मागणी चिन्हातील कन्फ्युजन बद्दल होती. तुतारी वाजवणारा माणूस हे चिन्ह जिथे असेल तिथे दुसरा तुतारी हे चिन्ह नको आणि असा अन्याय इतर कोणत्याही पक्षावर होऊ नये ही विनंती केली आहे. आयोग म्हणाला त्यावर आम्ही अभ्यास करू...असंही सुळे यावेळी म्हणाल्यात.